السلام عليكم ورحمة الله وبركاته
موقع مجلة مولاة الدار لكل ما يهم المرأة العربية molatdar.co
يقدم لك سيدتي:
كيكة طبقات بنكهة القهوى ساهلة و لذيذة kika bel 9ahwa
المقادير:
الكيك:
2 بيضات
كاس عنبة سنيدة
نصف كاس عنبة زيت
كاس عنبة ماء سخون مذوبين فيه ملعقة صغيرة نيسكافي
دنون فاني
2 ملاعق كبار كاكاو
قبصة ملح
ملعقة كبيرة خل
4 خمارات
دقيق فورص حسب الخليط
الطبقة الثانية:
لتر حليب
3 ساشي فلو عادي ديال درهم
4 ملاعق كبار مايزينة
2 ملاعق كبار كاكاو
4 ملاعق كبار سنيدة
ملعقة صغيرة نيسكافي
طبقة الأخيرة:
2 كأس عنبة ماء
2 ملاعق صغيرة نيسكافي
3 ملاعق كبيرة سنيدة
2 فلو عادي ديال درهم
الطريقة:
نبداو بلكيك نطربو البيض مع السنيدة مزيان أو نزيدو باقي المكونات إلا الخل أو الخمرات نخليوهم في آخر مرحلة المهم خاص الخليط إدير طويات إلا هزيناه بلمعلقة أنا قسمت العجين على جوج مول لي كيتحلو واحد أصغر من لآخر خرجو ليا جوج كيكات فاش يلاه نخرجوهم نسقيوهم بسيرو(2 كاس ماء ملعقة سنيدة ملعقة نيسكافي فوق لبوطا حتى إغلى)
من بعد نخلطو جميع عناصر الطبقة الثانية أو نحطوهم فوق البوطا مع تحراك حتى إعقاد أو نقسمو الخليط على الكيكات كل وحدا نخويو فوقها نصف أو خليوها تبرد مزياااااان
أنا من بعد ما بردو حليت المول أو حطيت الصغيرة فوق لكبيرة أو خلطت مكونات الطبقة الأخيرة درتهم فوق لبوطا حتى غلى الخليط أو خويتو غير بشوية فوق الكيك أو زينتها بأوريو أو شكلاط محكوك أو بصحة أو الراحة.
