ديميلور ديال الدار ساهل أحسن من ديميلور لي كيتباع بألف مرة
8 أبريل, 2016 عالم الجمال

السلام عليكم ورحمة الله وبركاته
موقع مجلة مولاة الدار لكل ما يهم المرأة العربية molatdar.co
يقدم لك سيدتي:
ديميلور ديال الدار ساهل أحسن من ديميلور لي كيتباع بألف مرة

بدون مقدمات راني ترتارة هههههههههههههه هده هي

المقادير :

واحد اليوغورت مسوس

ديميلور ديال الدار1

على حساب طول وكثافة الشعر انا استعملت النص كفاني

ديميلور ديال الدار4
من بعد كنزيد عليه 2 ملاعق كبارديال حليب الكوك

و هنا سمحولي لأنني رميت البواط ديالها و لكن راه قربات تسالى ليا ان شاء الله منين نشريه عاود نوريه لكم ، و على العموم راه ما غاليش ثمنه 16 درم تلقاوه فمرجان جنب البواطات ديال les champignons ، المهم نزيدوا منه 2 ملاعق كبار على اليوغورت مسوس
و ناخدوا نص سيطرونة نعصروها مزيان و نزيدوها على الخليط
من بعد ناخدوا ملعقة صغيرة عامرةديال العسل الحر

ديميلور ديال الدار3
من بعد كناخدوا شي زيت مرطب ، أنا هنا خديت زيت الحية و لكن ماشي بالشرط ، ممكن تستعملوا غير زيت الزيتون و لا زيت اللوز و لا أركان و لا اللي وجد انا استعملت زيت الكوك
و نخلطوا الكل مزيآآن و ها هو وآجد

طريقة الاستعمال :

طبعا عادية ، كنغسل الشعر بالشمبوان مزيان و نعصروا مزيآآن و ندوزو فوق منه الفوطة حتى ينشف شوية ما يبقاش يقطر ، من بعد نطلي هاد الخليط لراسي و ضرووووري نحط شي بونيه فوق راسي ، و يبقى لأطول مدة تقدروا تخليوه ، يعني على الأقل 30 دقيقة على الأقل ، و فهاد الوقت طبعا انتاهزوا الفرصة و ديروا شي حاجة للجسم أو حكوا ظفاركم و الأقدام …الخ ، اعطا الله ما يتدار أنا 45 دقيقة اللي كنخليه ديما .

من بعد يتغسل بالماء و لكن مآاشي بزاف يعني غير ما تبقاوش تشوفوا الما أبيض يعني صفا باراكا من الغسيل حبسوا ، و مللي تنزلوا دهنوا بكريم الدهن و لا باش موالفين كتدهنوا
والنتيجة اكثر من رائعه
انا شعري طوييل والتحت ديالو مشوك وعامر بالبوانت داير فحال الشطابة؛وديما كنقول نقطعو ولكن مسخيتش بيه
ومخلييت مجربت من شمبوان ماسك مكيدير ليه وآلو دغيا يتخبل ويتشنتف
ولكن مع هاد الوصفه ليبوانت مبقوآش وشعري ولا زويين غير باتشا وبان واعر حتى ماما تفاجات قالتلي شنو دري لديك الشعكاكه هههه
جربوها وشوفو رآسكم انا بعدا غنبقا دييما نديرها.

ديميلور ديال الدار

زوارنا الكرام محبي موقع مولاة الدار لا تبخلوا علينا بتعليقاتكم, و مشاركة هذه الوصفة على صفحتنا في فيسبوك


ديميلور ,ديال ,الدار, ساهل, أحسن, من ,ديميلور ,لي ,كيتباع, بألف, مرة,ديميلور 2016,dimolor 2016,ديميلور ديال الدار ,ساهل, أحسن ديميلور ,لي كيتباع ,بألف مرة,

اترك تعليقاً