لبياض جسمك للعرايسات والعويتقات

موقع مجلة مولاة الدار لكل ما يهم المرأة العربية molatdar.co
يقدم لك سيدتي: حل بين ايديكم و عن تجريب لبياض جسمك للعرايسات والعويتقات..شكرا لك جدتي..

بسم الله الرحمن الرحيم السلام عليكم ورحمة الله وبركاته
بكل الزوار و العضوات ديالنا ليكم وصفة مجربة مني شخصياا قبل ما نجربها ما عطيتهاش أهمية من قبل كانت قالتها لي جدتي.
و في يوم من الايام سمعتها بالصدفة بالاداعة الوطنية و المديعة مدحت في الوصفة.
و قالت انها للعرايسات اللي بغايين بياض لجسمهم و كانوا قديم جداتنا كيستعملوها و صحيح هادشي اللي قالت لي جدتي و انا ما سمعتش.
و قالت المديعة ادا جربتيها غير تعولي انك تعيطي على الجيراان يحكووو معااك ههههه.
و صحيح جربتها في نفس الاسبوع اللي كنت قبل منها مشيت الحمام ديالنا المعروف البلدي و درتها.
ما غاديش نقوليكم ندمت لي درتها حتى عييت من الحكان بقيت في الحمام 3 سوايع و الله صدقوني.
ادا كنتم كتستعمولها غير دوموها لانها الافضل و اكيد عطاتكم مفعول خيالي و اللي ما عرفهاش تجربها و الله ما غادي تندمي و ما كتكلفش. انا صراحة عييت ما نجرب في الوصفات ما كايناش شي وحدة ما جربتهاش و و منهم واحدة خرجات عليا و الحمد الله لقيت الوصفة اللي لقيت عليها الراحة كنطلبكم تجربوها و نقوليكم بكل صراحة خالتي كانت معايا و درناها و مني خرجت قالت بان فيك الضوو ان شاء الله بعدما نجربهااا 10 مرات كي غادي نولي لول و فديك الساعة قلت ليهاا
انقولها لخوتاتي في المنتدى و سمعوا شنو قالت ليا قالت لي ما تقوليهاش باش ما طيرش منها البراكة لكن ما قدرتش كي ربي زرع في قلبي الفرحة و بديت كنتهنى نقولها البنات حتى هما بغاو يفرحوا.
المهم الوصفة هي على كالتالي.
الحنا و الشبة مطحووونة تخلطيهم
بعديها كتاخدي كسرونة و ديري الكمية ديال الماء اللي اتخلطي بيه و ديري معاه حبوب اتاي و تخليه حتى يغلي و تصفيه و تخلطي بيه الحنا و الشبه واخا الماء سخووون ماشي حتى يبرد و مني تمشي الحمام ديريه عليك و خليه 20 دقيقة او اكثر ماشي قل منها .
و تشووفي العجب انا صراحة تخلعت و ايدي عيااات من الحكااان و المشكلة مشيت الحمام في نفس الاسبوع يعني باقة نقية على التقشير يلاه نخليكم و سمحووليا طولت عليكم غير من الفرحة و بغيت نفرحكم و عنداكي متجربيهاش.
شكرا لجدتي .

زوارنا الكرام محبي موقع مولاة الدار لا تبخلوا علينا بتعليقاتكم, و مشاركة هذه الوصفة على صفحتنا في فيسبوك