حلوة لاكريم مع سر لذتها بطريقة المخبزات halwat lakrim
27 نوفمبر, 2015 منوعات

حلوة, لاكريم ,مع, سر, لذتها ,بطريقة ,المخبزات, halwat ,lakrim,حلوة لاكريم , سر لذتها ,بطريقة المخبزات ,halwat lakrim,حلوة لاكريم 2015,2015 halwat lakrim

موقع مجلة مولاة الدار لكل ما يهم المرأة العربية molatdar.co
يقدم لك سيدتي:حلوة لاكريم مع سر لذتها بطريقة المخبزات halwat lakrim

بنت خالتي كتخدم فمخبزة هادي 10 سنوات اخدت منها المقادير و الطريقة والصراحة درتها بالزربة وكان ناقصني البابييى سولفريزي ضروري باش تنجح الجنواز ديالها انا عديت بالمنيوم كنصحكم مديرهش كيلصق ورق الزبدة ضروري وكدلك واحد السر دالمخبزات غنفشيه ليكم فانتا كيسقيو الحلوة د لاكريم بفانتا اغلبية حت كتسقي الحلوة مزيان و كتجي هشيشة احسن من العصير او الناباج العادي حاجة اخرى الاطة تكون اصغر من هدي شوية انا عندي صغيرة فمرة و استعملت هادي الفران متسدليش من تحت و لكن كنواعدكم نحط اخرى و بصور احلى
مقادير الجنواز
8 بيضات مع عزل الابيض عن الاصفر
200 غ طحين
200غ السكر سنيدة
خمارة حمراء
للتنسيم فاني وحدة
قرعة فانتا صغيرة
كريم فريش للحلويات جربو هولالا هو لي كيخدمو به فالمخبزات و جاني احسن فالمداق علىmagic الي موالفة نستعمل
ورق الزبدة
لاطة الفران متوسطة الحجم

halwat lakrim1

الطريقة
بالضراب الميكسور او الخلاط نخدمو ابيض البيض لوحده حتى يطلع و يولي ابيض و نبقاو نضيفو سنيدة شوية بشوية يولي مرانك

نضيفولو اصفر البيض و فاني مع التخلاط الدائم

halwat lakrim2

و نبقاو نضيفو الطحين شوية بشوية مع الخلط من الاسفل للاعلى و نفرغو الخليط فلاطة مفروشة بورق الزبدة للتاكيد ورق الزبدة

halwat lakrim3

تم ندخلها للفرن الساخن راها دغية كتطيب عنداكو تتحمر بزاف و منين تطيب نخرجوها و نسقيوها بفانتا كاملة حت كتكون قاصحة بحال البسكوي شوية

halwat lakrim4

من بعد كنقسموها حسب الرغبة مستطيلات متساوية الطول او لا عندك شي طابع كيك ديريها اقراص دوائر المهم حسب الرغبة

halwat lakrim5

ناخدو المستطيل الاول

halwat lakrim6

ندهنوه بلاكريم

halwat lakrim7

و الطريفات الي شاطو فالتقطاع نديرو هم طبقة اخرى

halwat lakrim8

و نكملو بنفس الطريقة للطبقات الاخرى
و ندهنوها كاملة بلاكريم كما في الصورة

halwat lakrim9

و ندخلوها تبرد شوية زينت الجوانب باللوز ابفيلي حمرتو و هرمشتو

halwat lakrim10

للتغيير فالزواق رشيت كاوبيل من فوق فقط

halwat lakrim11

و بالشكلاط ابيض اكتفيت برسم قلب انت وابداعاتك في الزواق

halwat lakrim12

و هادي هي مقطعة وطريف كيبانو فيه الطبقات

halwat lakrim13

نتمتى نكون فدتكم و الي جربتها اكيد غتعجبها لان الي داقها عندنا حلف الى مشرية ممصايباش فالدار.

halwat lakrim14

halwat lakrim15

زوارنا الكرام محبي موقع مولاة الدار لا تبخلوا علينا بتعليقاتكم, و المشاركة على صفحتنا في فيسبوك

اترك تعليقاً