نصائح مهمة باش راجلك يبقى غير ليك
4 أكتوبر, 2015 ادم و حواء

نصائح مهمة باش راجلك يبقى غير ليك

نصائح مهمة باش راجلك يبقى غير ليك

نصائح للمتزوجات للحفاظ على الزوج,نصائح مهمة باش راجلك يبقى ليك,نصائح للمتزوجات للحفاظ على الزوج,نصائح للمتزوجات حديثا ومن يردن الحفاظ على ازواجهم,نصائح هامه لحياه زوجيه سعيده,نصائح للحفاظ على الرومانسية في الزواج,للمتزوجات فقط,lil7ifad 3la zawj, hifad ala zawj, lil hifad ala zawj

اليوم جبت لكم أسرار سعادتي الزوجية بعدما شفت العديد من السيدات كيرتكبوا بعض الأخطاء اللي غادي نذكرها و تتكون هي السبب فالمشاكل و المشادات اليومية مع أزواجنا
أول حاجة نهدروا عليها هي العطسة , نعم كاين شي عيالات مكيعرفوش يعطسوا بأنوثة و رقة كيديروا شي عطسات خايبين مكتحس بيها حتى كتطلق آآآآآآآآآآآتشو , مالنا أختي على هاد العطسة حتى خلعتي داك الراجل عندك مسكين مللي تجيك العطسة جلسة مستقيمة و ظهرك مفرود و رجل على رجل و دوري وجهك لديك الجيه و قوليه ” آه ” صافي هادي خاصها تكون هي العطسة ديالك الرسمية تدربي عليها , ماشي شغلي أنا فيك الرواح فيك الحساسية فيك انفلونزا الفيلة المهم تحافظي على أنوثتك بأي وسيلة
ثانيا الطواليط بغيت نفهم أنا هاد المراة اللي تكون جالسة حدا راجلها و شوية تنوض و تدخل الطواليط آشنو هادشي آوعدي , واش مكتخافش هاد المراة يبقى الراجل يتخيل فيها جالسة كتقضي حاجتها و تضيع منها أنوثتها؟؟ أختي المتزوجة مللي يكون راجلك فالدار ما دخليييييييييش للطواليط تحت أي ظرف من الظروف حاولي تقضي حاجتك مللي يكون راجلك فالخدمة غير يدخل للدار صافي خاصو يشوفك بحال ديك الفراشة و النحلة الغزالة اللي مكتعطي غير العسل , وياااك ثم وياك تحبسك البولة و تمشي للطواليط وياااك جلسي تما حتى ينوض ينعس مولاي السلطان و تكوني قدمتي ليه جميع فروض الولاء و الطاعة و تتأكدي باللي راه فسابع نومة عاد سيري دخلي وخا تطرطق ليك النبولة كاع ماشي مشكل سيري ديري عملية و خيطيها أهون من أنك تدخلي للطواليط و الراجل فالدار هاودني منكم
ثالثا المراة اللي كتنوض من النعاس و شعرها مشعكك و وجهها مخربق علاااااش , قبل ما ننعس نماكي و نصاوب وجهي و شعري و ننعس على ظهري حتى للصباح ويااااك تبقاي تتقلبي فالليل لا تخسري المشطة و لا الماكياج بقاي غيييير على ظهرك الله يجعلك ما تنوضي بعظامك مدكدكين فالصباح مكيهمش غادي تولفي مع الوقت و يولي يجيك عااادي , و بداي تحققي المكانة فالليل كل ساعتين نوضي تأكدي باللي الماكياج و المشطة باقين شادين مزيان و الكحل ما داعش تحت العينين ايوا آشنو ما عرفتي الراجل يفيق فأي وقت فالليل يبغي يمشي للحمام و لا يشرب خاصو دييييييما يلقاك سانك سانك , ايوا كيف وصيتك حققي التلفون كل ساعتين يصوني ليك و مع الوقت راه غادي تولفي تقفزي راسك ما تحتاجيش الصونيت كاع هههه ههههه.

اترك تعليقاً