شامبوان صنع منزلي كيحبس التساقط و مغدي
20 يونيو, 2014 عالم الجمال

كنجيب شوية ديال حب الرشاد تقريبا 1درهم ،
كنخوي عليها الماء نديرها فوق البوطة ونخليه يتبخ ونبقا نزيد الماء حتي يتنفخ مزيان عينك ميزانك ملي يتنفخ مزيان ويطلق ديك اللزوجة ديالو،
كنزيد +1درهم ازير
+1درهم زعترخليه يغلى شوية ثم
+2معالق زيت العود .
(ممكن تبدلي الاعشاب بلي بغيتي غير الزعتر لا حيت كيحبس تساقط الشعر.وممكن تبدلي الزيت بلي بغيتي).
حيديه من فوق العافية خليه يبرد شوية صفيه مزيان من الافضل تصفيه بشي زيف من بعد +4/1 صابون بلدي ممكن ديري اكثر حيت انا كنصاوبو بلا عبار غير بالعين المجردة.
ديؤيه فوق البوطة من جديد حتى يدوب الصابون مزيان.
نزليه من فوق العافية خليه يبرد ودوزيه فالملينكس الا بغيتي .
وهاهو الشمبوان واجد.والميزة ديالو انه حبسليا التساقط ومغدي

اترك تعليقاً