لي بقى مانقات قوام السفوف والشباكية تدخل بسرعة بالصور

17 يونيو 2014

السلام عليكم كيف الحال أخواتي أسأل الله أن يبلغنا رمضان ويرزقنا حسن صيامه وقيامه ويجعلنا من العتقاء من النار …

نقدم لكم طريقة تسهل عليكم تنقو قوام السفوف منهم حبة الحلاوة لي كتكن موسخة بزاف
أولاً كنشدوها كنفدوها ف شي صينية من بعد كنشد هاد الصفاية الصغيرة كنغربل فيها كمية متوسطة وهكدا حتى كتسالي غادي يبان لكم ف صور شنو ليهبط من الصفاية عويدات وحجيرات وكاولي سهل ف تنقية ونصيحة أخرى لتسهيل ناقيو فوق شي طبلة حطو كمية صغيرة بش متملوش ونصيحة أخرى ههههه ملي تكونو تنقيو إيستغلي الوقت فالأذكار والإستغفار أو ديري شي درس ديني سمعي ليه مكتحسش بالوقت وكتستفدي …..
يمكن ديري هاد المرحلة الجميع القوام نافع وزنجلان وايلان
بالنسبة الزريعت الكتان كنغربلها فالصفايا الكبيرة
و إلى بغيتي الزنجلان يجيك ساهل ملي ديري ليه هاد الطريقة غسليه…و راه الحبات الخاويين كيطلعو الفوق كتخويهم و إلا باقي شي حجر كينزل للتحت…..هاد الطريقة كنقي بيها كمية كبيرة في و قت و جيز…إن شاء الله غتهنيكم من تمارة.

نتمنى نكون أفدتكم و طريقتي تعجبكم.
في أمان الله …
قوام السفوف1

قوام السفوف2

قوام السفوف3

قوام السفوف4

قوام السفوف5

قوام السفوف6

قوام السفوف7