فران الضو معصبك ماتيطلعش ليك الخبز مزيان ها هو الحل
16 يونيو, 2014 حلول منزلية

عندي فران تاع الضو عادي جداً من النوع الرخيص
ماشي دوك الغاليين تاع تلاتة آلاف درهم
المهم جبت ليكم اليوم بعض التعديلات اللي دخلتها عليه باش ولى كيعطيني خبز رائع
أولا تنشعلو نص ساعة قبل ما نرمي فيه الخبز باش يسخن مزيان و الحرارة تكون 280 درجة ضروري
يلا بغيتي يجيك الخبز رطب
و تنكون دايرا فيه إناء صغير فيه الماء
باش يتبخر الماء و يعطيني رطوبة مرتفعة داخل الفرن
فران الضو1
من بعد شريت فراح تاع الطين يكون غليظ اللي تيطيبو عليه البطبوط
تيسوا عشرة دراهم
هرست ليه جنابو بيد المهراز بحذر باش مانهرسش الوسط حيت هو اللي عندي بيه الغرض
و حطيتو في الفرن مقلوب بهذا الشكل
فران الضو2

كبديل لحجر الخبز اللي تيتباع غالي و يلا لقيته بعدا

في هاد الحالة خصاتني شي حاجة اللي غنرمي بها الخبز في الفران ما عنديش داك البالة تاع الخبز فاخترعت واحدة ها هي في الصورة
فران الضو3
انطلاقا من شواية كانت عندي قديمة
درت عليها طرف تاع الكارطون مطوي على جوج و شديتو بالسكوتش من الجانبين و قضيت الغرض

فران الضو4
هذا خبزي بخميرتي البلدية فقط و طايب في فراني المتواضع و بدقيق القمح الكامل بدون فورص

فران الضو5
اللي بغات تتعلم للخميرة البلدية و خبزها و بغريرها و بطبوطها تتفضل هنا

طريقة صنع الخميرة البلدية في البيت

"1" Comment
اترك تعليقاً