أسرار الحادكات في الطبخ

2 يونيو 2014

أسرار الطبخ،أسرار الطبخ 2014،الطبخ 2014،أسرار الحادكات 2014،أسرار الحادكات في الطبخ 2014،تعلم الطبخ 2014

 

السلام عليكم و رحمة الله

موقع مجلة مولاة الدار لكل ما يهم المرأة العربية molatdar.co
يقدم لك سيدتي : أسرار الحادكات في الطبخ.
===> بالنسبة لعصير لافوكا ملي كنطحنها كندير معاها العضم ديالها لحين التقديم و نزولو كيبقى العصير فاللون ديالو

===> ملي تبغي تنقي الخرشف دوزي علي ايديك الحامض متشدش الكحليه
===> مرات خالي ديما كيجي طيبها بنين منين سولتها قالتلي
كنزيد ديما شوية ديال سمن ف لمرقا عاد كاتسد على ل كوكوت و كتجي لماكلة كاتحمق

===> دجاج محمر نطحنو قزبور ومعدنوس توم وحامض مسير شوووووووية ماء عاد نضيفو العطرية المعتادة ونخشيو صبعنا فصدر دجاجة
=== الى بغيتي تقبي البيتزا مشطة تكون جديدة
=== خادي طريقة طياب شفتها عند طباخة لي طيبات فسبوع ولدي كلشي شكرها
=== دجاج كيطيب فمريقتو والزيت كضيفو فالاخير
===الحلوة الى تحرقات من التحت ناخدو حكاكة وندوزوها بشكل خفيف
=== اللحم في الاخير كنضيف ملعقة كامون وطريف سكر صغير
=== عجين المسمن كنعجنو ونديروو فبلاستيكة دغيا كيطلق راسو
=== باش تجيك الخبز محمرة ديري شوية سنيدة فالعجين

===> بغيتي الهريسه تبقا كيما هي حطي عليها معلقه زيت العود فيما تهزي منها حطي زيت نفسها حك ماطيشه

===> الحلوة الى جات قاصحه طيطواره كنديرها فطاسة الحلوى ونلوح معاها ربع ديال الخبز ونسد عليها تلات ايام كترجع زبدة

===> بغيتي حلوى اوسلو يبقا مزيان حطوهم في تلاجه ملي تبغيها خودي قياسك ورجعيها

===> الكيك باش يجي منفوخ الخل وشوية الخميرة ديال الدار + الحلوى باش متجيش الحلاوة ديالها بزاف نديرو قبصة الملح

===> بالنسبة لكيكة مكنطربش بزاف السكر والبيض وحتى نخلط كلشي عاد نضيف الزيت
=== الا كنتي مزربة ومشا الحال على نصيب طاجين وكان عندك دجاج قطعيه طرفات صغار وقليه مزيان فشوية زيت حتى يخد لون وفمهراز دري شوي تومة سكين جبير طري والمعدنوس ودقيهم مزيان وزدهم على دجاج ومنين تطفي وهو سخون زيدي شوي تحميرة ونقيطات خل كيجي رااااائع وفاقل من ربع ساعة كتوجد

===> بغيتي الفريت زوين اواقف تقطعي البطاطا وديري كاسرونه فيها الماء يغلي رمي بطاطا غير تشوفي رغوه ديريها في شبكه وقليها من بعد

===> شفت داك انهار شي اخوات مكتجيهمش اللوبيا مزيانة
اللي كلاها عندي كيشكرها انا نقلكم سر ديال طيابها
في الاول فزكيها ليلة كاملة خودي بصلة حكيها فحكاكة غليضة تشحر مع اللوبيا ملعقة سكينجبير مزيان ونديرو عليها الماء مسدو كوكوط حتى طيب مزياااااااان البصلة كدوب
نحلو عليها ونزيدو مطيشة محكوكة فبلاصة صغيرة قزبر معدنوس ملح سكين جبير تحميرة ابزار كمون ملعقة مركز طماطم وفلفلة حارة في الاخير ونوليو نسدو عليها فالكوكوط حتى طيب فعلا كتجي غزاالة
=== فكرة اخرى
الى بغيتي مريقة تجيك صافية وغزاالة عواد القزبور والمعدنوس منرميوهومش
ناخدوهم ونغسلوهم نقسمهم عاى جوج ونحزمهم بخيط ديروهم فريكو وقتما جينا نطيبو نجبدوهم ونديروهم ومنين يطيب الرقة نحيدوهم
الحوت كنستعمل شيت دسنان جديدة دوك رخاص كنفي بها سنسول كنحكوه دغيا كتنقى
بالصحة والراحة

===> الا كنتي زربانه على بغرير باش يخمر ملي تطحنيه فمولينيكس مباشرة ديريه فالكوكوط و سدي عليه و ديري الصفارة و خليه على ما تجمعي البوطاجي و توجدي صوينيتك تلقايه خمر دغيا و لكن عنداكي تشعلي العافية على الكوكوط ههههههههه

===> الخضار ملي نبغيو نصلقوها باش تجي بنينة نديرو بصلة مقطعة و حزمة الربيع

===> سر اخر بالنسبة للعصير كنشري ليمون دالعصير بزاف و نشيتو و نغسلو و نعملو فالكونجيلاتور و ملي نبغيه نجبدو و نديرو فالكوكوط يطيب و نحل عليه و نخليه يبرد عاد نقشرو نرمي القشور و العضام عاد نطحنو مع السكر القياس و شي ضانون كيجي رااائع و كيعطي بزززززاف

===>بالنسبة لي لحريرة ملي نبغي نديرها و نكون مزروبة :كنحك بصلة + حمص +عدس+فول + لحيمة أو صدر دجاج و جناوح “على فكرة بالنسبة لتجربتي بالدجاج كتجيني بنينة” +*عطرية +خرقوم+زيت +ملح و ملعقة صغيرة سمن و نقفل عليها 1/2 ساعة
و فهاد الوقت كنوجد القسبر بزايد+المعدنوس مكرضين كنطحنهم في الخلاط الكهربائي مع 4 مطيشات محكوكين بلا زريعة و عاد كنعملهم واحد 10 دقايق للحريرة بلا منقفل الكوكوط و نزيد طماطم الحك 2 ملاعق كبار عاد كندورها بطحين و تكون شوية خفيفة و عاد الشعرية
=== بالنسبة للعطرية راني درت عليها *:حنا في المنطقة ديالنا كتكون عندنا عطرية الحريرة موجودة فحك ديالها بوحدها و تكون مكونة من المواد التالية و دائما قبل شهر رمضان الكريم كنوجدوها طرية: مثلا عبر 250g سكين جبير , 250 كروية 1/2 وقية كبابة 100 كمون 100 قرفة 100 خرقوم 100 ابزار كناخدوهم حبوب كيتنقاو وكتشمسو و كيندقو بالمهراز غير خرقوم و سكين جبير و القرفة غير يتهرسو ماشي يندقو مزيان راه يطيحو لكتاف ههههههه و من بعد نديوهوم لمحل العطار يطحنهم مجموعين و اللي بات تاخدهم من عند العطار مطحونين “لكن جداد” وتخلطهوم بلا مهراز بلا صداع الراس
منقولكمش على مذاق لحريرة بهاد العطرية راها كتشم من راس الدرب

===> المقرونية او السباكستس كنديرهوم فبانيو و ندير عليهوم الزيت و نحرك مزيان باش كتدهن المقرونية او السباكيتي بالزيت عاد كنرميها فالما غليان و فيه الملحة بهاد الطريقة مكتلصقش نهائيا و كتبقى كل حبة مفروقة على ختها
===>اضيف قليلا من عطرية الثريد الى عجين المسمن فيعطيه مذاقا رائعا.
الحريرة كاندورها بالمايزينا عوض الدقيق كاتجي خفيفة
===> سري في اللوبية حتى انا لي كلاها عندي يحماق عليها غير جربوها
لوبية مفزكة بليلة قبل ديريها طيب مع ضريس تومة محكوك و ملي طيب تكوني حكيتي مطيشة الربيع التومة الملح الابزار التحميرة مطيشة د الحك سكينجبير و السر هو القرفة كتجي فيها لذيذة بزاف و ملي طيب ديري واحد شوية السنيدة و هاهي اللوبية شهوة منها
===> الكرعين يالكرعين hhh
بلي تبغي طيبي لكرعين ماتقليهومش ديري كلشي في كوكوت
وزيدي 3 حبات قرنفل وحكي شوية كوزة وردي علي لخبار

===> بطاطا فريت باش تجيك مقرمشة او كيف كيقولي راجلي زبدة هو السر د ماما ماشي ديالي
كتشدي بطاطا تقطعيها و ديريها في كاسرونة فيها مليحة و الما و الخل و خليها تاتغلا و طفي عليها و كبي عليها ماء بارد و خليها تستقطر مزيان سخني زيت و اوحي بطاطا و سدي عليها و خليخا طيب غير شوية ملي تسالي الكمية كاملة عاودي قليها من جديد كتجي فنة

===> الملوي الا بغيتيه يجي مفشفش و مورق ديري الزبدة مذوبة و زويتة و خمارة و فاني و خلطيهم و خلي العجينة قاصحة و لكن مدلوكة
===> كسكسو ملي تبقى 15 دقيقة على الانتهاء غادي تحكو فيه شوية الكرعة في الحكاكة ارقيقة بهد طريقة كتجي المرقة خاترة ورائعة شكرا للحدكات مع التحية
===> سري فطياب الدجاج واللي كلشي كيشكرو لي هو
انني كندير القسبر والتومة وشوية الحامض مرقد وحبة صغيرة ديال البصلة وكن طحنهم فمولينكس ممكن نزيد شوية ديال الماء باش يطحنو مزيان وكنزيد عليهم الملحة والعطرية من بعد نشرمل الدجاج مزيان وندخل مابين اللحم والجلد وتخليه يرقد مزيان
ونطيبو بحال طيبا المناسبات
ومنين يطيب كندهنوا بالسمن ونديرو يتحمل فالفرن
===> الدجاج بطاطا والزيتون فمنين يطيب فالاخركنضيف مطيشة محكوكة وشوية ديال زيت العود باش تعقد المرقة وتجي بنية
===> فش تعملي صوص ديل سباغتي ولا مقرونة زيدي لكمون حتى لاخير شي معلقة صغيرة تكون عامرة واو على مداق جربوها ورد عليا لخبار
===> إلى بغيتي تحلق على طاجين وتبدل شوية حكي خيزو وضيفيه لوسط فش تكوني درتي لخضرة في مكانها من بعد متزيد ليه شوية دملح
===> بطبوط شحمة باش يجي بنين بننننين تزيدي راس تومة محكوك للحشوة
وملعقة كامون.

===>باش لوبيا او لعدس اجي بنين كنحك معهم خيزو فلحكاكة الرقيقة كيجبنية بزاف
الكسكس في التفويرة الاخيرة كندير شوية البزار وزيت العود
=== فاش كنبغي ندور الحريرة كنخلي شوية المطيشة مطحونة ومطيشة الحك ونخلطهم مع الدقيق وندور بيهم الحريرة كتجي رائعة
=== السر البنة في مرقتي اللي كتكون عاقدة كنضيف القرفة مع العطرية في الطاجين وحتا في مرقة كسكسه وكتجي لذيذة
=== ملي تنصايب طاجين كنشحر البصلة مع الزيت او ربيع مقطع حتى تدبل البصلة عاد كنضيف العطرية ملي كندير لخضرة كنرش عليه شوية لملحة باش الخضرة طلق الماء ديالها،او ملي كيطيب كنرش عليه شوية الكمون او لبزار او الطاجين متشبعيش منو

=== انا مني تندير الحريرة مكنديرش فيها مطيشة نهائيا فالاول حتى كطيب مني نبغي ندورها كنكون سالقة مطيشة بقشورها حسب الكمية ديال الحريرة كنخليها تبرد ونحيد ليها النباتة ونديرها فمولينيكس ونزيد عليها مطيشة الحك ونطحنها مزيان وندور بيها ونخليها تغلي شوية عاد ندير الدقيق تاهو كنديرو خفيف باش تجي الحريرة خفيفة وملي نبغي نقدمه كنقطع شوية الربيع ونزيدو عليها ونخليها تغلي 2 دقايق وهاهي واجدة الصراحة اللي ذاقها كتعجبو ايوا جربو وردو عليا الخبار

=== غانقول لكم الطريقة اللى كندير الحريرة فاش كانديرها طيب كناخد كسرولة كندير مقدار ديال مطيشة الحك على حسب درجة الحموضة اللى بغيت نحلها بشوية الماء اونزيد عليهاراس المعلقة من كل العطرية اللى درت مع الحمص كنضيف بلاصةالزيت السمن او نخليهم اطبخو عاد نزيدها على الحريرة نحرك عاد ندورها بالطحين

=== البيصاره كلشي كيعرف يصايبها ولكن السر فبنتها هي تخاليها حتى طيب وتحكي عليها بصلة وتجمريها شوية وهاهي ممممم بنينة سراحة هاد السر ديال جداتي
=== عندي لكم واحد الدجاجة مبخرة ومعمرة بالبطاطا والكفتة كناخدو الدجاجة كنشرملوها بالقسبور المعدنوس شوية كامون شوية فلفلة حمرا شوية خرقوم ضامة البنة شوية الزيت تومة كندقوها مع القسبور وندهنوهنوها من بعد كناخدو جوج بطاطات كنسلقوهم ونقشرهم ونمعكهوم بالفورشيط ونزيدعليهم الكفتة شوية المعدنوس جوج ضرسات التوم محكوكين شوية الكامون ملحة ونخلطو ونعمرو الدجاجة ونحشيو فالتعميرة شي مزودة حمرا الي بغى الحرور ونديروها التبخر منين الطيب كناخدو اصفر بيضة مع شوية الزيت شي شوية الملح نخلطوهم وندهنو الدجاجة وندخلوها للفرن التحمر وبالصحة والراحة

=== لحريرة ملي كتبقى ليا كنقسمها وندير كل قيس فلبلاستيك ديال المجمد اللي كيتسد.وكنخرج منها الهواء.اي من لبلاستيك عاد كنسدها.وكنديرها فالمجمد باردة طبعا .وملي كنحتاجها كنديرها تسخن .وملي كتسخن مزياان كنحرك شوية ديال مطيشة ديال الحك ونضيف القزبر والمعدنوس ولكرافص مقطعين رقااااق بزاااف وندورها كتجي بحال الى طيبتيها فهاديك اللحظة

=== الا بغيتي اللحم ديال العراضات يجيك بنين تناخد شوية الكركاع وتندقو مزيان تيولي بودرة وتنضيفو مع العطرية ونرقدو حتى لغد ليه ونطيبو
الا بغيتي العصير ديال الحامض وليمون يجيك خاتر تناخد اليمون وتنحيد ليه القشرة والعظم نفس شي بالنسبة الحامض وتنقطعهم ونديرهم فبلاستيك وندخلهم تلاجة لفريكو ووقت ما بغيت عصير تنجبد ميكة ونطحن مع سنيدة فقط وتنصفي تيجي حسن من ديال زنقة وبارد ينفع ف الصهد
باش دجاج يشد راسو وميبقاش مرخي منين تنغسلو تندخلو لفريكو واحد شوية عاد نخرجو وندير ليه ليقامة ديالو
الا بغيتي ترقدي الحامض ديريه فالفريكو ونهار تحاتجيه جبديه وخليه حتى يطلق عاد ديري طريقتك ف ترقاد الحامض غيجيك بحال ديال زنقة مرخي

=== الى بغيتي السفة تجي لذيذة فاش ترديها تفور التفويره الاخيره زيدي دهنيها بمعلقة نيدو ونص ساشي فاني مخلطين بشويش دالماء رديها تفور وتفكريني
والكيك العادية الى معندكش باش نسميها اومعندكش المكسرات خلطي معلقة من عجين الكيك مع معلقة ك كوفتير مشمش وراس معلقة قرفة ومن تخوي العجين ديريها من الفوق ودخليها الطيب وبالصحة
== وديما زيدي وريقة سيدنا موسى مع اللحم بالبرقوق او محمر وحتى مبخر
===بالنسبة للخبز مني تنبغي نعجن غير تنجمع العجينة وتنديرها فميكة بيضة غليضة وتنعقدها وتنبقى ندلكها مزيان وتنضيف زبدة وانا تندلك هاكة يدي مغديش يعمرو بالعجينة والعجينة تتولي مفششة والخبز تيجي هشيش وهدي صورتو تيجي بحال ديال زنقة

أسرار الطبخ1