سر حرشة الزنقة بالتفاصيل
29 أبريل, 2014 الطبخ المغربي

اليوم جبت ليكم سر الحرشة ديال الزنقة
علاش كتجيهم ملبدة من الداخل
شريتها هاد اليوماين من عند واحد المرأة وقلت علاش منجربش واحد الطريقة وصدقات ليا 100/100 وبغيتكم تستافدو معايا.
الحرشة ديال الزنقة مكيديرو السميدة بوحدها بحال اللي كنديروها حنا فالدار ولكن كيزيدو فيها الدقيق وعلا داكشي كتجيهم ملبدة من الداخل.
انا درت نفس المقادير اللي درت داك النهار غير انا درت ربع كيلو سميدة وربع كيلو دقيق مسمد الممتاز.
انا غدي نعطيكم المقادير من اول وجديد:
ربع كيلو سميدة
ربع كيلو طحين مسمد ديال الزرع الممتاز
نصف كاس صغير ديال الزيت
طريف ديال الزبدة مدوبة
شوية ملح
الطريقة :
نرملو الخليط مزيان ونضيفو عليه الماء ونعجنوه تماما بحال اللي كنعجنو العجينة
ندهنو المقلة بالزيت وندردرو عليها السميدة
نقرصوها فوق المقلاة ونديرو فوقها سميدة مرة اخرى
ونخليوها تطيب
وهدي صورة منين طابت .

سر حرشة ديال الزنقة

4 تعليقات
  1. akhti wach d9i9 lmsemed howa fino

  2. الى بغيتي تجيكي بحال ديال الزنقة كندير هاد طريقة ديالك وكنزيد عليها الخمارة المعجونة وكنديرها جارية وكنخليها تخمر شوية كتجي رائعة

اترك تعليقاً