لوازم النفيسة:
للغراز الشيح تطيبيه مع الما و تغسلي بيه ومن بعد ماتنشفي مزيان تبخري بالدفلة
ازير يالالة تشربيه من بعد الولادة كيهدن الوجع ديال الرحم منين يرجع لمكانو و كدالك اللويزة
الخزامة باش ديريها باندة منين يطير خيط الغراز باش تكمدي المكان وتجبدلك البرد .
الزعتر و فليو والنونخة والقرنفل هادو يكونو عندك على مدار السنة حيت مفيدين لنزلة البرد تشربي وتكمشي تعرقي تصبحي بخير .
ايلا بغيتي الحليب يبقى بزاف ومفيد حب الرشاد دريه مع الحليب وتشربيه … الحلبة تبخيها فالماء وزيدي عليها الحليب وشربي وكدالك الحاجة الجد مهمة لنجبار او ايلان عرفتي الحليب يبقى مايحبسش تبارك الله تحيريه ودقيه وقت ما عجبك سفيه مع الما والحليب او العصير .
الحنة والصابون البلدي والعكر الفاسي باش تفركي من بعد الولادة .
للرضيع:
ضروري الكمون الصوفي وحب حلاوة والنافع و ليك البابونج باش يهدن ليك الاعصاب منين يبيتك بلا نعاس .
ڤازلين باش ترطبو القشرة لي تكون فوق الراس وبين العينين
التايدة او العرنة كنديروها للدراري منين يبقاو يتعصرو ويحمارو وينوضولهم حبوب رقاق فالمكان الكوش كتكون التوتة كندقو العرنة رطبة ونديروها مع العسل و نوكلوها ليهم يبراو .
