حلوة مقلية اقتصادية و كتجي هشيشة
22 أبريل, 2014 الطبخ المغربي

حلوة مقلية اقتصادية و كتجي هشيشة،حلوة مقلية،حلوة مقلية اقتصادية ،حلوة مقلية كتجي هشيشة،حلوة اقتصادية هشيشة و كذوب فالفم،

السلام عليكم و رحمة الله

موقع مجلة مولاة الدار لكل ما يهم المرأة العربية molatdar.co
يقدم لك سيدتي : حلوة مقلية اقتصادية و كتجي هشيشة.

هاد الحلوة كتجي زوينه وناشفة اللي ذاقها عندي ميحصابلوش انها مقلية كتجي ناشفة و لذيذة و هشيشة و الاهم انها فساع كتوجد ومقاديرها بسيطة وفي متناول الجميع.
المقادير :
1 بيضة ( نحاولوا منكسروهاش نفتحوها غير من فوق وواحد فتحة صغيرة حيت غدي نديرها بحال كاس وهي اللي نعبر بها مقادير الزيت و السكر والحليب)

نخوي البيضة في اناء ونضيف ليها نفس لعبار بالبيض الزيت و الحليب و السكر
ونضيف 2 قشور الحامض
و الفاني وخمارة د الحلوة
والدقيق حسب الخليط.
الطريقة:
خص العجينة متكونش قاصحة تكون مرخوفة شوية.
كندلكها فوق ورق الزبدة او بلاستيك غدائي .
نقطعها بجرارة على شكل طولي او شكل اللي حبيتو .
انا قسيتهوم شوية عراض نتوما ممكن تقطعوهوم رقاق شوية يجيو احسن .
نسخن الزيت مزيان ونبدا نقلي فيهم.

حلوة مقلية اقتصادية و كتجي هشيشة2
ندردر عليهم سكر كلاصي وهاهما واجدين
حلوة مقلية اقتصادية و كتجي هشيشة3
شوفو كيف كيبانو هشاش وناشفين من الزيت
حلوة مقلية اقتصادية و كتجي هشيشة4
وبصحتكم
حلوة مقلية اقتصادية و كتجي هشيشة1

اترك تعليقاً