كريصات فحال القطن بأسهل الطرق
11 أبريل, 2014 الطبخ المغربي

كريصات فحال القطن بأسهل الطرق،كريصات، كرص،قراشل، كريصات فحال القطن،كرص هشيش و رطب بحال القطن،بتيبان،كرواصة،شنيك،كرص الاصيلي الحر ديال ناس الزمان،البريوش والشهدة بحال القطن بالصور،كرص او كرواصة هشيشة و رطبة ،طريقة تحضير قريشلات بسيطة و سريعة،الطبخ المغربي بالصور 2014،garsse hchiche

السلام عليكم و رحمة الله

موقع مجلة مولاة الدار لكل ما يهم المرأة العربية molatdar.co
يقدم لك سيدتي : كريصات فحال القطن بأسهل الطرق.

المقادير:
كاس كبير دالحليب
بنفس كاس الحليب كنعبرو 3كيسان و نصف دقيق ونخليوها على جنب
كاس عنبة زيت
كاس عنبة الا ربع سكر
خمارة الحلوى
معلقة كبية خميرة الخبز
معلقة كبيرة ناافع مهرمش
2معالق كبارزنجلان
رشيشة الملح و بيضة للعجين
وبيضة للدهن مصورتهاش سمحولي

كريصات فحال القطن بأسهل الطرق1

المهم كندفيو الحليب مع النافع غير يدفى ميسخنش مزيان
كنعملوه فمولينكس
ونضيفوا الزيت و البيضة و السكر و الملح و الخميرة بنوعيها
وطحنوه مزيان حتى تشوفوه عطا الرغوة

كريصات فحال القطن بأسهل الطرق2

فاناء كنعملو 3كيسان الدقيق و نضيفو ليه الزنجلان و الخليط من مولينكس كامل

كريصات فحال القطن بأسهل الطرق3
غتحصلوا على هاد الشكل دالعجين شوفو كيف مقطع

غتبداو تضيفي النصف كاس الي بق حتى تجمع العجينة

لكن كتبق مرخوفة

كريصات فحال القطن بأسهل الطرق4
هنا متدلكوهاش

جيبو بلاستيكة وعملو فيها العجينة

كريصات فحال القطن بأسهل الطرق5

عملو يديكم فموضع السهم و دلكوا باليد الثانية
الامر سااهل و هكدا كتحكموا فالعجين و مكتمرتوش
والافضل انكم مرة مرة تخبطوا العجينة يعني تهزوها للفوق و تخبطوها فوق مكان العجن

عملوها فكوكوت تخمر وفتحوا البلاستيكة باش تلقى العجينة فين تزيد

كريصات فحال القطن بأسهل الطرق6

والباقي راكم كتعرفوه

وشوفوا غير مع دهنة دالزيت العجينة كلها كتنوض من البلاستيكة و مكنضيعوا حتى حاجة

وهالنتيجة و تاكدوا انها رااائعة و متشبعوشي منها

كريصات فحال القطن بأسهل الطرق7
متنساوش تخليوها تخمر مرة ثانية بعد متشكلوها كريصات ودهنوها و رشوها بشوية الزنجلان

وبالصحة و الراحة
كريصات فحال القطن بأسهل الطرق8

"1" Comment
  1. Tbarkalah 3lik . Ana jarabthom o jawni kiham9o o ratbin. Chokran 3la had lwasfa

اترك تعليقاً