طريقتي في طياب الدجاج محمر لي كلشي كيحمق عليها
11 ديسمبر, 2015 أطباق الدواجن

السلام عليكم ورحمة الله وبركاته
موقع مجلة مولاة الدار لكل ما يهم المرأة العربية molatdar.co
يقدم لك سيدتي:

طريقتي في طياب الدجاج محمر لي كلشي كيحمق عليها

يا أحلى عضوات و يا أجمل مشرفات و يا أغلا اداريات ليوم جبت لكم طريقتي ليكنعتمذها دائما في طياب الدجاج محمر او ليكولشي كيحمق عليها او ليورتها من ماما الله يطول ليا ربي عمرها على فكرة ماما طيابة ممتازة هادي هي المهنة ديالها بش كبرتنا أطياب كولو تعلمتو منها او أنا بقى صغيرة الله يخليها ليا او يجيبها ليا بالسلامة طولت عليكم ياك ههه
أول حاجة كنشدو الدجاج كنغسله مزيان مزيان بالملح او الحمض او كنقيوه مزيان مزيان من الداخل من بعد كنغسلوه مزيان مزيان او كنديره يقطر او كنشدو بانيو كندير فيه :
حمضة معصرة+البزار +القزبر+سكنجبير كنشدو هاد الخليط او كنرقدو فالدجاج من الدخل او من برا

خليت الدجاج بات فالشرمولة ليلة كاملة فتلاجة الغد ليه جبدتو او قطعت البصلة

كنشدو الطنجرة كندير فيها الزيت البلدية +شوية ديال الزيت الرومية كيسخنو

كنشدو البصلة كندرهة فالطنجرة او كنخليها تقلا

كنضفو عليها المقادير التالية البزار +سكنجبير +الزعفران +التومة معصرة +القزبر +معلقة كبيرة ديال السمن +القلب ديال حمضة مسيرة …الملح مكندروش حيت الدجاج مرقد فيه

كنضفو جميع المقادير فوق البصلة

كنحركو مزيان مزيان

تم كنحطو الدجاج فالطنجرة او كننقس البوطة عليه كلها او كنخلي البصلة تطلق الماء ديالها ليبيه كيطيب الدجاج على خاطرو

كنشدو لغلقة ديال الطنجرة او كنحطو فكها الزعفران شعرة يسخن مزيان توم كنحكوه بالكف ديالنا او كنديره فالدجاج او كنسد الطنجرة او كنخليو الدجاج يطيب

كنشدو لقشوش ديال الدجاج كنغسلهم مزيان او كنديرهم فكسرنة فيها شوية ديال الماء يتسلقو نصف سلقة باش يبقاو صينين او ما يتفرتتوش منين نضفهم على المرقة ديال الدجاج

شوفو الماء ليتسلق فيه لقشوش نصف سلقة منين صفتهم شوف ألماء كيف ولا لونو

من بعدما طاب الدجاج كنحيدوه او كنحطوه على جنب او كنرميو فالمرقة ديال الدجاج هدوك لقشوش بعدما صفنهم من الماء مزيان توم كنضفو الزيتون أنا درت الزيتون ديال الدار رقدتو أنا

كنبداو نقليو فالدجاج


كنخليو المرقة حتى كتشرب مزيان او توقف او تولي خاترة عاد كنطفيو عليها او كنشدو أجلوف ديال الحمض مسيرين كنقطعهم طوال او كنزوقو بهم الدجاج او بصحتكم او راحتكم

زوارنا الكرام محبي موقع مولاة الدار لا تبخلوا علينا بتعليقاتكم, و مشاركة هذه الوصفة على صفحتنا في فيسبوك


طريقتي في طياب الدجاج محمر لي كلشي كيحمق عليها,الدجاج المحمر ديال العرس,دجاج محمر بالدغميرة,كيفية تحضير الدجاج المحمر في الفرن,دجاج الاعراس,طريقة طيابة في الاعراس,دجاج محمر بالصور,الدجاج محمر على الطريقة الفاسية,سر دجاج محمر,الدجاج محمر بطريقة الاعراس

اترك تعليقاً